Май — бакчачылар өчен иң җаваплы ай. Бакча эшләре үз вакытында һәм дөрес итеп эшләнсә генә мул уңыш алыначак. Бакчагызның җәй көне матур булуы да майда башкарылган эшләргә бәйле. Бу айда көннәр җылыта, барлык табигать җанлана, шуңа да бүген эшләнәсе бер генә эшне дә иртәгәгә калдырырга ярамый. Бакчада түтәлләр казу, утырту эшләренә тотынганчы иң элек, яшелчәләрнең урынын алыштырып утыртуны да исәпкә алып, схема төзергә киңәш ителә.
