Үги ана яфрагын җыеп калыгыз

Аяк астында үскән үләннәрнең никадәр файдалы икәнен күпвакыт белеп тә бетермибез. Ә кайберләрен белеп тә дөрес кулланмыйбыз. Сүзебез үги ана яфрагы турында. Әлеге үлән бик күп авыруларны җиңәргә булыша, күпләр исә салкын тигән вакытта аның файдасын күрәләр. Берничә рецептны сезгә дә язабыз:

1. Салкын тиюнең беренче билгеләре сизелүгә үк, 1 аш кашыгы киптерелгән һәм вакланган үги ана яфрагына 200 мл су агызып, 30-40 минут төнәтергә. Көнгә 4-6 тапкыр, 1-2 аш кашыгы эчәргә.

2. Томау төшкәндә яңа җыелган үләннең суын борынга берничә тамчы тамызырга.

3. Монысы инде күбрәк кызлар колагына: үги ана яфрагы һәм кычыткан белән ясалган төнәтмә (икесе дә бертигез күләмдә) чәчләрне ныгыта, кавыктан коткара. Әмма бу үләнне кулланганда шуны белеп торыгыз: үги ана яфрагыннан ясалган төнәтмәләрне 2 яшькә кадәрге балаларга, йөкле хатын-кызларга, хроник бавыр авыруы булганнарга кулланырга ярамый.

Чыганак: https://shahrikazan.ru/news/kish-tabyish/gi-ana-yafragyn-yep-kalygyz