Яшь егет әтисен, әнисен, әбисен үтергән

автор, 19 октябрь 2018 - 10:08

1263

Көпә-көндез гаиләдә килеп чыккан талаш фаҗига белән тәмамлана.

Мәскәүнең төньяк-көнчыгышында 22 яшьлек егет әтисен, әнисен, әбисен үтергән. Фаҗига турында "Вести" каналы хәбәр итте.

Эчке эшләр министрлыгының рәсми вәкиле Ирина Волк сүзләренчә, фаҗига 17 октябрьдә көндез Очучы Бабушкин урамында була. Якынча мәгълүматлар буенча, бу гаиләдә талаш килеп чыга. Егет туганнарын талашканда үтердем дип әйтә.

Әлеге вакыйга буенча җинаять эше ачылган. Урында тикшерүчеләр эшли.