Татарстан спортчылары БРИКС Уеннарында 12 алтын медаль яулады.
БРИКС илләре Спорт уеннарының дүртенче көне нәтиҗәләре буенча Татарстан спортчылары 12 – алтын, 7 – көмеш һәм 5 бронза медаль яулады. Бу хакта Татарстан Республикасы Спорт министрлыгы хәбәр итә.
Якшәмбе татарстанлылар күп кенә дисциплиналарда уңышлы чыгыш ясады:
Сергей Сирант ир-атлар арасында бадминтон буенча ялгыз разрядта 2:0 исәбенә отты;
Евгения Косецкая хатын-кызлар арасында бадминтон буенча ялгыз разрядта – 2:1, Алинә Дәүләтова белән дуэтта парлы хатын-кызлар разрядында да 2:1 исәбенә җиңде;
Никита Шлейхер ир-атлар арасында 3 метр биеклектән трамплиннан суга сикерүдә җиңү яулады;
Павел Монич Сергей Сирант белән дуэтта бадминтон буенча парлы ир-атлар разрядында көмеш медаль алды;
Артем Косов Россия җыелмасы составында ир-атлар сигезлегендә ишү спорты буенча ярышларда икенче булды;
Юлия Сохацкая хатын-кызлар арасында җиде төр ярышта җиңел атлетикада пьедесталның икенче баскычына күтәрелде;
Рамилә Вәлитова, хатын-кызлар арасында озынлыкка сикерүдә 6.15 метр нәтиҗә күрсәтеп, җиңел атлетика буенча бронза медаль яулады.
Тулырак: https://tatar-inform.tatar/news/tatarstan-sportcylary-briks-uennarynda-12-altyn-medal-yaulady-5889240
Следите за самым важным и интересным в Telegram-каналеТатмедиа
Нет комментариев