Россия җыелма командасы ФИФА рейтингында 21 баскычка өскә күтәрелгән

Билгеле булганча, Россия футболчылары Дөнья чемпионатында финалның 1/4 өлешенә кадәр барып җитте һәм пенальти буенча ховат уенчыларына оттырды. Рейтингта моңа кадәр беренче урында булган Алмания командасы 15нче урынга төшкән. Алман футболчыларының 2005нче елдан бирле беренче унлыктан чыкканнары юк иде. Хәзер исә беренче урынны дөнья чемпионы исемен яулаган Франция командасы били. Яңа рейтинг 20 сентябрьдә – Милләтләр Лигасының тәүге очрашуларыннан соң билгеле булачак. Әлеге ярышның тәүге очрашуында Россия командасы 7нче сентябрьдә Төркиягә каршы чыгыш ясый.

Фото: https://mir24.tv

http://vatantat.ru