Ел саен 10 апрельдә дөньяның күп илләрендә абый һәм апа көне билгеләп үтелә.

Беренче тапкыр абый Һәм апа көнен 1990-нчы еллар уртасында АКШта билгеләп үттеләр. Анда ул "National Siblings" Day исемен йөртә, тәрҗемәдә - милли абыйлар һәм апалар көне.
Күпләр өчен абый Һәм апа көне — мәхәббәт, кайгыртучанлык күрсәтү һәм балачагын бергә үткәргән туганыңа җылы сүзләр әйтү өчен менә дигән сәбәп. Чөнки абый яки апа - шулкадәр күп истәлекләр, серләр, балачак шаярулары һәм бергә кичергән шатлыклы мизгелләр белән бәйле бердәнбер кеше бит.

Чын күңелдән матур бәйрәм — абыйлар һәм апалар көне белән котлыйбыз! Апалар, абыйлар - ул безнең туганнарыбыз гына түгел, авыр минутларда безнең таянычыбыз һәм ярдәмебез, иң тугры дусларыбыз, балачак дөньясы һәм ата-аналар йорты белән элемтәбез. Туганнарыгыз белән ешрак очрашыгыз, бер-берегезне саклагыз, сәламәт һәм бәхетле булыгыз!

Абый-апаларыгызны, сеңлеләрегезне бүген котларга онытмагыз!