НАРАТ БӨРЕСЕН җыярга соңга калмагыз

Нарат бөресен перчатка киеп җыегыз, чөнки сумала кулдан начар юыла.

Әзер бөреләрне җиләс бүлмәдә 3 см калынлыктагы тукыма яки кәгазьгә җәеп киптерәләр. Саклаганда да шушы режимны тоту кирәк. Җил яхшы йөри торган, караңгы урында ул ике елга кадәр саклана.

Нарат бөресенең ФАЙДАСЫ бик күп:
-грипп,
-салкын тию,
-йөткерү, бронхит, пневмония,
-ангина, тонзиллит, фарингит, ларингит,
-невралгия,
-ревматизм,
-подагра, дерматит, экзема, псориаз, һ.б.авырулар вакытында кулланыла.

НАРАТ БӨРЕСЕ ваннасы баш авыртканда, нерв киеренкелеге вакытында файдалы.

Нарат бөресеннән төнәтмә:

1 аш кашыгы нарат бөресенә 2 стакан кайнар су коеп, термоста 1 сәгать төнәтергә, соңыннан сөзеп, көнгә өч тапкыр 1/4 стакан эчәргә. Төнәтмә әчкелтем тәмгә ия, әмма ул йөткерү һәм салкын тиюдән кыйммәтле даруларга караганда яхшырак тәэсир итә.

Дәвалана башлаганчы табиб белән киңәшләшү зарур.