Җырчы Алсу Хәбибуллина теплицада иртә өлгерүче кыяр сортларын белә [киңәшләр]

- Туган ягым - Әтнәдә әни утырткан кыярлар үсеп утыра. Май башында теплицада орлыкларын чәчте. Бу - "Герасим" һәм "Изящный" сортлары. Кыярга көнаралаш су сибелә. Үзем дә бакча эшен яратып башкарам, җирдән яхшы энегия алам, начарын калдырам. Элек бакчада яшелчә-җиләк үсмәгән урын калмый иде, үзем түтәлләр ясап, барысын да утырта идем, - дип сөйләде Intertat.ru хәбәрчесенә Алсу Хәбибуллина.

Җырчы бакчада кыярдан кала башка яшелчәләрнең дә яхшы уңыш бирүен белдерде. "Шалкан, редиска, ташкабак, кәбестә, укроп, петрушка, суган, кишер, чөгендер, җиләк - барысы да бар, Аллага шөкер! Чияләр аеруча күп өлгерә. Аларны чиратлашып җыябыз", - ди Алсу.