Язгы каникуллар вакытында Завод-Нырты урта мәктәбе укучылары Кукмара җитештерү предприятияләрендә экскурсиядә булып кайттылар [+фоторепортаж]

Экскурсияне Кукмара итек комбинатыннан башладык. Укучылар итек ясау процессы белән якыннан танышып, барлык этапларын карап чыктылар: йонны юу, тарау эшләреннән башлап, итеккә бизәкләр төшерү белән тамамладылар. Шулай ук, комбинатта киездән ясалган башка төр аяк киемнәре, түбәтәй, юрган тегүләре турында да белделәр.

Экскурсия Кукмара савыт-саба җитештерү заводында дәвам итте. Монда укучылар алюминийдан савыт-саба ясау процессын якыннан күрделәр, нинди савыт-саба җитештерелә, аның төрләре, бизәлешләре белән таныштылар.