30 яшьлек Айгөл берничә ел инде күкрәк рагыннан интегә. Табиблар әйтүенчә, дәваланырга шанслар юк диярлек. Айгөл улын ялгызы тәрбияли. Ул балага узуга ук малайның әтисе аны ташлап киткән. Әмма Айгөл кул кушырып утырмый - ул баласын да тәрбияли, дуслары белән дә очраша, кайвакыт бәхетле булуы турында да яза.
Айгөл үзенең хәле турында даими рәвештә Инстаграмга язып тора. Апрельдә узган томография нәтиҗәсендә Айгөлнең маңгайдагы матстазалары1,3 һәм 1,4 мм үскәне, аңкау өстендә 25 мм га 15 мм киста барлыкка килүе, сөякләрендә күпсанлы метастазалар булуы билгеле булды.
Айгөл май бәйрәмнәрендә Адлерда ял итте. Ял вакытында ул үзенә уколлар ясаган, шул сәбәпле аның аягында шеш барлыкка килгән иде. 21 майда бу шешне алу өчен операция ясадылар. Операциядән соң ул үзен начар хис итүе турында язды. Соңрак исә хәле яхшыраюын әйтеп укучыларын сөендерде.
Хәзер Фазыйлова 7 яшьлек улы Әмир белән хосписта яши. Улы быел гына бакчага йөрүдән туктады. Күптән түгел Айгөлнең үпкәсенә җыелган сүлне чыгарганнар.
Фото: instagram.com/aafazylova
"Минем кояшым һәрвакыт минем белән. Әнисе авырганын, әнисенә начар булганын күрмәскә тиеш икәнен беләм, әмма ул - молодец! Ир-егет! Ул булганда мин барлык авырлыкларны һәм кыенлыкларны да кичеп үтәчәкмен. Ул минем таянычым һәм тормышымның мәгънәсе. Ул дөньядагы иң яраткан кешем!" - дип язган Айгөл.
Фото: instagram.com/aafazylova
Фото: instagram.com/aafazylova
Шәһәр хосписе директоры Владимир Вавилов әйтүенчә, уңышлы операция булуга карамастан, метастазалар бөтен тәнгә киткән. Ул Айгөлгә "җирдәге барлык эшләрен тәмамларга һәм улы Әмиргә гаилә эзләп табарга" киңәш иткән. Бу хакта "Комсомольская правда" яза.
Нет комментариев