Хәрби операция барышында батырларча һәлак булган Шәмәрдән егете Никитин Сергей Станиславовичны бүген соңгы юлга озаттыллар

Махсус хәрби операция вакытында Луганск җирендә, аның гомере өзелә.Илебезне, җиребезне сакларга киткән җиреннән Сергей үз аяклары белән туган якка әйләнеп кайта алмады. Әмма аның кылган батырлыгы, хезмәте һәм ил алдындагы изге бурычын үтәве-үзе зур геройлык!

Бүген аны бөтен Шәмәрдән халкы, районыбыз җитәкчеләре, дус-ишләре, гаиләсе соңгы юлга озатты. Сергей Станиславовичны соңгы юлга озатырга килгән ТРсы салым идарәсе җитәкчесе урынбасары А.Никиташин, Саба муниципаль районы башлыгы Р.Миннеханов, Саба һәм Теләче районнары буенча хәрби комиссар Ф.Закиров, Сергей Никитинның хатынының, гаиләсенең, туганнарының авыр кайгыларын уртаклаштылар.

Батыр сугышчы хакында җылы сүзләр әйттелләр. С.Никитинга үлгәннән соң "Батырлык" ордены бирелә. А.Никиташин аны Сергейның хатынына тапшырды.

Сергей Никитинның якты истәлеге безнең күңелләрдә мәңге сакланыр!