Халыкны таң калдыручы Сабантуй Явлаштау авыл җирлегенең Мишәбаш авылында

Биредә бар халыкны бушка тәмле плов, кайнар чәй, коймак, камыр ризыклары, балаларны туңдырма белән сыйладылар.

Су мотоциклларында, көймәләрдә йөрү дә түләүсез иде.

Халыкны милли киемле , елмаю белән егет- кызлар каршы ала, уеннар уйната. Һәр җирдә тәртипне сак хезмәткәрләре тәэмин итә, борчыган сорауларга җавап бирә.

Танылган җырчылар, алып баручылар, биючеләр халыкны ял иттерде.

Бу бәйрәмдә катнашучы һәркем иганәче Газинур Әхмәтовка, аның командасына, бу бәйрәмне оештыруда үзенең өлешен кертүчеләргә рәхмәт җиткерә.

Халыкчан, чын бәйрәм үрнәге Явлаштау авыл җирлеге Сабантуенда.