25 табиб, 5 сәгатьлек операция һәм 60 килограммлы шеш (БУЛГАН ХӘЛ)

автор, 8 май 2018 - 08:19

972

Коннектикут штатындагы Дэнбери госпитале табиблары бер ханымның күкәйлегеннән 60 килограмм авырлыктагы яман булмаган шешне алып ташлау буенча катлаулы операция ясаганнар.

Ханым, кинәт кенә симерә башлавына борчылып, гинекологка мөрәҗәгать итә. Берничә ай дәвамында ул атнага 4,5 кг.га симерә. МРТ процедурасында белгечләр шешнең яман булмавын ачыклый, әмма шеш бик тиз үсә һәм ханымга йөрергә һәм тукланырга комачаулый. Ул инвалид кәнәфиенә утырырга мөҗбүр була.

Нәтиҗәдә 25 табиб, ике атна дәвамында киңәшләшеп, операция планын раслыйлар. 5 сәгатьлек операция уңышлы үтә. Америкалы ханым үзен яхшы хис итә.

Яман булмаган коллоидлы шеш сыекча белән тулы киста булып чыга. Мондый зур шешне табиблар беренчегә күргән. Әлеге вакытта медиклар шешнең шулкадәр тиз үсү сәбәпләрен ачыкларга тырыша.