Владимир Путин юлларда видеокүзәтү камераларын яшермәскә өнди

Юлларда видеокамералар урнаштыруның максаты - юлларда аварияләрне һәм травматизмны киметү. Моның белән бәйле рәвештә, Владимир Путин бу өлкәдә эшләгән өчен җавап бирүчеләрне камераларны яшермәскә өндәгән. Бу турыда «Российская газета» хәбәр итә.

«Аларны урнаштыруның максаты - юлларда аварияләрне һәм травматизмны киметү, кешеләрнең гомерен саклап калу. Бу камераларны, бигрәк тә куркыныч участокларда яшерергә кирәкми», - дип белдергән Президент Кремльдә узган Дәүләт Советы утырышында.

Нәтиҗәдә, машина йөртүчеләрне юл кагыйдәләрен үтәргә өндәү урынына, аларга штраф кына язалар, ә бу максат түгел дигән Путин. Ул шулай ук аны утырышта катнашучылар гына түгел, Кремльдән читтәгеләр дә ишетергә тиешлеген әйткән.

Фото: архив/Ильнар Тухбатов

https://tatar-inform.tatar