Владимир Путин Россия мөселманнарын Корбан бәйрәме белән котлады

«Исламның борынгы изге урыннарына хаҗ кылуның тәмамлануын белдерә торган Корбан бәйрәме тирән әхлакый, рухи мәгънәгә ия, кешеләрне берләштерүгә, мәхәббәт, игелек һәм шәфкатьлелек кыйммәтләрен саклауга хезмәт итә», – диелә котлауда.

Россиянең мөселман җәмгыяте ил тормышында һәм масштаблы проектларны – хәйрия, белем бирү, мәгърифәтчелек проектларын тормышка ашыруда актив катнаша. Ислам тарафдарлары үсеп килүче буынны ата-бабаларының традицияләренә һәм гореф-гадәтләренә хөрмәттә тәрбияләүгә дә игътибар бирә, дип билгеләп үтте Путин.

Мөселман җәмгыятенең эшчәнлеге «җәмгыятьтә милләтара тынычлыкны һәм татулыкны саклап калу өчен бик мөһим», дип билгеләп үтелә РФ Президенты юлламасында.

Мөфти дәүләт башлыгына котлау сүзләре өчен рәхмәт белдерде. «Без сәяси лидерыбызга рәхмәт белдерәбез һәм Аллаһтан аңа дәүләт хезмәтендә ярдәм һәм уңышлар бирүен сорап дога кылабыз», – дип хәбәр итә ТАСС аның сүзләрен.