Радио һәм телевидение яңалыклары
Вирусолог: Коронавирусның «стелс-омикрон» штаммы Россиягә килеп җитте
Казан федераль университетының Прецизион һәм регенератив медицина фәнни-клиник үзәге директоры Альберт Ризванов хәзерге вакытта Сovid-19 авыруын «омикрон» штаммы китереп чыгаруы турында әйтте.
Аның сүзләренчә, «омикрон»ның яңа төркемчәләре дә барлыкка килә. Бу турыда ул «Татар-информ»га биргән интервьюсында сөйләде.
«Хәзерге вакытта «стелс-омикрон» штаммы иң киң таралган штамм булып санала. Ул башкаларына караганда тизрәк йога», – дип сөйләде галим.
Төрле илләрдә вирусның төрле вариантлары киң тарала. Альберт Ризванов сүзләренә караганда, аларны башка илләргә сәяхәт итүчеләр алып кайтырга мөмкин.
Чыганак: https://tatar-inform.tatar
Следите за самым важным и интересным в Telegram-каналеТатмедиа
Нет комментариев