Видео: Казанда «Лада Калина» автомобиле җәяүлеләр кичүендә ир-атны бәрдергән

(Казан, 20 февраль, «Татар-информ»). Соцаиль челтәрләрдә Казанда җәяүлеләр кичүендә булган һәлакәтнең видеосы дөнья күрде.

Моңа кадәр «Татар-информ» агентлыгы хәбәр иткәнчә, юл-транспорт һәлакәте 18 февральдә килеп чыккан. «Лада Калина» автомобиле юл йөрү кагыйдәләрен тупас бозып, җәяүлеләр кичүендә 48 яшьлек ир-атны бәрдергән.

Нәтиҗәдә, зыян күрүченең оча сөяге һәм сул як балтыры сына. Аны ашыгыч ярдәм машинасында хастаханәгә озаталар.

«Лада Калина» автомобиле шоферы исерек булган, дип фаразлана.