Ветераннар яшьләрчә уйнады

автор, 10 апрель 2018 - 05:33

1568

Әле кайчан гына хоккей командаларының төп бомбардирлары булган ветераннар кәшәкәләрен куярга җыенмыйлар. Узган шимбәдә Лесхоздагы "Нарат" боз сараенда үткәрелгән ярыш та шуны раслады.

Бу юлы хоккей ветераннары жирәбә буенча өч командага бүленеп көч сынашты. "Мондый ярыш бездә беренче тапкыр үткәрелә. Идеясе бездән булды, яшьләр эшләре һәм спорт комитеты финанслады. Барысыннан да киеренке уен көтәбез",- диде Шәүкәт Җәләлиев. Беренчеенал операциясе уенда "Саба-1" һәм "Саба-3" командаларының очрашуы 6:3 исәбенә төгәлләнде. Финалда жиңүне көндәшләрен 9:3 исәбенә отып, "Саба-II" ветераннары (капитаны Шәүкәт Җәләлиев) яулады. "Саба -I" командасы (капитаны Фәргать Нуриев) - 2нче, "Саба-III" хоккейчылары (капитаны Фаил Зәйнәгыев) 2нче урында. Призерларга район финанс-бюджет палатасы рәисе Шәмсун Сөнгатов Грамоталар, акчалата призлар тапшырды.