Татарстанның су баскан авылында яшәүче: «Мондый галәмәтне күргән юк иде» [+видео]

Бүген Ык елгасы кинәт күтәрелеп, якын-тирә авылларны су баскан. Интернетта пәйда булган ташу турындагы видеоны күргәч, зыян күргән Азнакай районының Тымытык авылында яшәүче Наҗия Мөхәммәтҗанова белән элемтәгә кердек.

- Ташу бик көчле булды, бәхеткә, безгә әллә ни зыян килмәде. Тавыклар суда йөзеп йөри. Ташу Яшьләр урамына төште. Анда су китә торган торбаның берсе ачылган, икенчесе ябык булган. Кайбер хуҗалыкларга бик зур зыян килде. Алдагы елларга базга су төшә иде, әмма мондый галәмәтне күргән булмады.

http://shahrikazan.com/