Татарстанның 1300 кешелек бер авылы су астында калырга мөмкин (ФОТО, ВИДЕО)

автор, 20 апрель 2018 - 13:01

866

Балык Бистәсе районында буа корылмасы тирәсендә су арту күренеше видеосы барлыкка килде. Плотина су астында калган очракта, Күгәрчен авылына су басу куркынычы яный. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Татарстанның 1300 кешелек бер авылы су астында калырга мөмкин (ФОТО, ВИДЕО)

Алдан “Татар-информ” Түбән Тимерлек авылы кырыендагы плотина торбасы янындагы җирнең юылып ашалганлыгын, буа корылмасы аркылы җирле юл узуын хәбәр иткән иде.

Гидротехник корылма ишелү куркынычын булдырмас өчен, биредә йөк транспорты хәрәкәте вакытлыча чикләнгән. Әгәр дә су авыл ягына китә калса, 1300дән артык кеше яшәгән авылга су басу куркынычы яный.