Татарстанда салкыннар аркасында шторм кисәтүе игълан ителде

(Казан, 21 май, «Татар-информ»). Татарстан Гидрометеорология һәм әйләнә-тирә мохитне күзәтү идарәсе республика территориясендә яңадан көтелә торган суыклар аркасында шторм кисәтүе игълан итте.

22 май төнендә төбәк буенча урыны белән «туфракта һәм һавада -1 градуска кадәр салкыннар көтелә», - дип хәбәр итә синоптиклар.

Элегрәк «Татар-информ» Россия Гидрометеорология үзәге илнең Европа өлешендә аномаль салкынаю фаразлаганлыгын хәбәр иткән иде.