Татарстанда ике пенсионерның 2 миллионга якын акчасын телефон аша урлаганнар
Татарстанда яшәүче ике кешене мошенниклар якынча 2 миллион сумга алдаган. Бу хакта Россия Эчке эшләр министрлыгының Татарстан буенча матбугат хезмәте хәбәр итә.
Түбән Кама районында яшәүче 70 яшьлек пенсионерга аферист шалтыраткан. Аның банк хисабыннан кемдер акча алырга тырыша, дип ышандырган. Җинаятьче, акча югалтуны булдырмас өчен, дип, кодны хәбәр итүне сорый һәм пенсионер хисабындагы 1,1 млн сумнан артык акчаны үзенә күчерә.
Шул ук сылтау белән аферистлар Алабугада яшәүче 68 яшьлек пенсионердан 800 мең сум акча урлаган. Бу факт буенча җинаять эше кузгату мәсьәләсе хәл ителә.
Чыганак https://tatar-inform.tatar/news/tatarstanda-ike-pensionernyn-2-millionga-yakyn-akcasyn-telefon-asa-urlagannar-5876687
Фото: ©«Татар-информ»
Следите за самым важным и интересным в Telegram-каналеТатмедиа
Нет комментариев