Татарстанда диспансеризация узарга вакыт җиткән кешеләргә робот шалтырата башлаячак.

Ведомство хәбәренә караганда, робот сәламәтлекне бәяләү, чирләрне алданрак ачыклау, шулай ук чирне контрольдә тоту максатында диспансеризация узарга тиешле кешеләрнең номерын җыячак.

Ул иң элек теге яки бу кешегә шалтыратып, аның белән исәнләшәчәк һәм сырхауханәгә диспансеризация узарга чакырачак. Теге кеше уңай җавап бирсә, автомат рәвештә колл-үзәк операторына тоташтырылачак. Оператор кирәкле барлык мәгълүматларга аныклык керткәннән соң, кешене кабул итүгә язачак.