Татарстанда буран, бозлавык һәм атмосфера басымының кискен үзгәрүе көтелә
Татарстанда якын көннәрдә атмосфера басымының кискен үзгәрүе белән бәйле тотрыксыз һава торышы көтелә. Бу хакта Татарстан Гидрометеорология үзәге хәбәр итә.
Бүген, 24 октябрьдә, республикада айлык норманың яртысы кадәр явым-төшем булырга мөмкин. Яңгыр, кар, җепшек кар һәм томан фаразлана. Секундына 15-18 метр тизлектә көчле җил булырга мөмкин. Һава температурасы төнлә -1..+4 градус тәшкил итәчәк, көндез көньякта +5..+10 градуска кадәр кыска вакытлы җылыну көтелә. Кичкә бөтен республика буенча һава −3..+2 градуска кадәр суына. Шуңа бәйле рәвештә көндез һәм кичен юлларда бозлавык барлыкка килергә мөмкин.
Чыганак: https://tatar-inform.tatar/news/tatarstanda-buran-bozlavyk-ham-atmosfera-basymynyn-kisken-uzgarue-kotela-5878131
Следите за самым важным и интересным в Telegram-каналеТатмедиа
Нет комментариев