Татарстанда АИ-95 һәм АИ-92 маркалы бензин бәясе арзанайды

АИ-95 маркалы бензин 0,07 процентка арзанайды, хәзер аның 1 литры 53,07 сум (4 тиенгә арзанрак), ә АИ-92 маркалы бензин бәясе 0,1 процентка төште һәм литры 49,25 сум булды.

Шул ук вакытта дизель ягулыгы 0,14 процентка кыйммәтләнде һәм 1 литры 59,77 сум (8 тиенгә кыйммәтрәк) тора. АИ-98 маркалы бензин 0,08 процентка артты, хәзер 1 литры 66,06 сум (5 тиенгә кыйммәтрәк) булды.

Искәртик, 17 ноябрьдә Россиядә бензинны, аннары җәйге дизель ягулыгын читкә чыгаруны тыю бетерелде, чөнки салкын булу сәбәпле, аңа ихтыяҗ кимеде. Энергетика министрлыгында белдерүләренчә, мондый чараларны кышкы дизель ягулыгына карата куллану планлаштырылмый.

Чыганак: https://tatar-inform.tatar/news/tatarstanda-ai-95-ham-ai-92-markaly-benzin-bayase-arzanaidy-5880861