Саба ТВ

Саба районы

16+
Радио һәм телевидение яңалыклары

Татарстан аграрийларына гектарына 70 килограммнан да ким булмаган күләмдә минераль ашламалар җыярга кирәк булачак

Татарстан Республикасы Авыл хуҗалыгы һәм азык-төлек министрлыгы Татарстанның авыл хуҗалыгы җитештерүчеләренә 2020 ел уңышы өчен гектарына 70 килограммнан да ким булмаган күләмдә минераль ашлама кертергә тәкъдим итә.

ТР авыл хуҗалыгы һәм азык-төлек министры урынбасары Илдус Габдрахманов билгеләп үткәнчә, республикада быел чәчү мәйданы 2,8 млн. га тәшкил итә.

«Бу бер гектарга 16,5 кг гамәлдәге матдә, ягъни фаразга карата 23,5% тәшкил итә. Узган елның 1 гыйнварына 15,2 кг (в.в./га) минераль ашлама тупланган, бу елның шул ук датасына күрсәткеч 1,3 кг күбрәк», – дип ачыклык кертте министр урынбасары.

Агымдагы ел башына иң күп минераль ашлама Зәй муниципаль районында тупланган – 46,6 кг д. в./га (ягъни фаразга карата 66,6%). Шулай ук бу күрсәткеч буенча лидерлар өчлегендә Тәтеш – 44 кг (62,8%) һәм Сарман – 40,1 кг (57,3%) районнар.

» Шунысы игътибарга лаек, бу һәм кайбер башка муниципаль районнарда минераль ашламалар туплау темплары узган сезонга караганда югарырак", – дип билгеләп үтте Илдус Габдрахманов.

 

Реклама

Агымдагы елның 1 гыйнварына Түбән Кама районында минераль ашламалар җыю буенча фараз күрсәткече 48,4% ка үтәлгән, Саба районында – 46,6% ка, Кукмара районында – 41,1% ка, Азнакай районында – 40,2% ка (республика буенча уртача күрсәткеч 23,5% ка).

ТР Авыл хуҗалыгы һәм азык-төлек министрлыгы мәгълүматларына караганда, Әгерҗе, Кама Тамагы, Лаеш, Апас, Яңа Чишмә, Кайбыч, Лениногорск, Питрәч, Алабуга районнарында минераль ашламалар җыюның түбән темплары күзәтелә,анда фараз күрсәткечләре 10% тан да кимрәк.

Элегрәк хәбәр ителгәнчә, 2020 елда республикада үсемлекчелек продукциясен җитештерүне 10% ка арттыру бурычы куелган.

Фото: saby.tatarstan.ru

Чыганак: saby.tatarstan.ru

Следите за самым важным и интересным в Telegram-каналеТатмедиа

 

 

Безнең Вконтаке челтәренә языл! 

Кызыклы яңалыкларны күзәтеп бару өчен Телеграм каналга язылыгыз

 

 

 

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев