Табигать саклау прокуратурасы аңлата

 Тикшерүләр барышында республиканың Тәтеш муниципаль районында Татарстан гражданның милкендә законсыз формалаштырылган җир участогы бар икәне ачыклана һәм аның участогына Кильна елгасының яр буе кертелгәне билгеләнә.    

    Гомуми файдаланудагы җирләрне дәүләт милкенә кайтару максатыннан табигатьне саклау прокуроры судка мөрәҗәгать итә. Татарстан Республикасы Тәтеш район суды прокурор таләпләрен канәгатьләндерде.    

    Суд акты участок чикләре турында күчемсез милекнең Бердәм дәүләт реестрына үзгәрешләр кертү өчен нигез булып тора.    

     Закон бозуларны бетерү табигатьне саклау прокуратурасы контролендә.    

    Шулай ук тикшерүләр барышында Алабуга районында районның җирле үзидарә органнары тарафыннан законсыз рәвештә җир кишәрлекләре формалаштырылуы ачыкланды, аларның составына гомуми мәйданы 10 гектардан артык урман булган дәүләт урман фонды җирләре кертелгән.    

    Закон бозуларны бетерү максатыннан табигать саклау прокуроры тарафыннан авыл җирлекләре һәм районның җирле үзидарә органнары адресына закон бозуларны бетерү турында 3 күрсәтмә кертелде, законсыз боерыкларга 2 протест китерелде. Прокурор реакциясе актлары карау стадиясендә.

Чыганак: saby.tatarstan.ru