Студентлар өчен минималь хезмәт хакыннан ким булмаган стипендия билгеләргә тәкъдим ителде
Депутатлар Дәүләт Думасына көндезге бүлектә укучы студентларга, аспирантларга, ординаторларга һәм ассистент-стажерларга минималь хезмәт хакыннан ким булмаган күләмдә стипендия билгеләү турында закон проектын тәкъдим итте. Документ парламентның түбән палатасының электрон базасына кертелгән.
Бу хакта Татар-Информ яза.
Аңлатма язуында билгеләп үтелгәнчә, югары уку йортларында укучылар өчен айлык стипендия күләме быел 1825 сум, көллият студентлары өчен 664 сум, дәүләт стипендиясе алучы социаль якланмаган студентлар өчен 2739 сум, ә махсус уку йортларында 996 сум тәшкил итә.
«Мондый стипендиягә яшәү мөмкин түгел, шуңа күрә Югары икътисад мәктәбе мәгълүматлары буенча, студентларның яртысыннан артыгы ничек кенә булса да укуны һәм эшне бергә алып барыррга тырыша. Бу вакытны ала, ә кайчак перспективалы студентны уку йортын ташларга яки академик ялга китәргә мәҗбүр итә, бу белем бирү сыйфатына йогынты ясый», - дип аңлата закон проекты авторлары.
Алар шулай ук искәртеп узганча, дәүләт стипендияләреннән тыш, РФ Президенты Хөкүмәте һәм исемле стипендияләр билгеләнә, әмма югары уку йортларында укучылар саны белән чагыштырганда аны бик аз кеше ала.
2023 елның 1 гыйнварыннан Россия Президенты Владимир Путин минималь хезмәт хакы күләме дәрәҗәсен күтәрү турындага карарга имза куйды. Хәзер ул аена 16 242 сум тәшкил итә.
Фото: ©«Татар-информ»
Следите за самым важным и интересным в Telegram-каналеТатмедиа
Нет комментариев