Радио һәм телевидение яңалыклары
Синоптиклар Татарстанда июль коры һәм җылы булыр дип фаразлый
Июль аенда Татарстанда һаваның уртача температурасы климатик нормадан 1 градуска югарырак булыр дип фаразлана. Бу турыда Татарстанның Гидрометеорология үзәге хәбәр итә.
Казанда норма 20,5 градус, республикада 19,9 градус тәшкил итә.
Июльдә явым-төшем җитмәс, дип фаразлана. «Айлык явым-төшем күләме климатик нормадан кимрәк булыр дип көтелә. Норма Казанда 63 мм, Татарстанда 56 мм тәшкил итә», диелә хәбәрдә.
Бүген, июньнең соңгы көнендә, Татарстанда 33 градуска кадәр эсселек көтелә.
Чыганак: https://tatar-inform.tatar/news/sinoptiklar-tatarstanda-iyul-kory-ham-yly-bulyr-dip-farazlyi-5873027
Следите за самым важным и интересным в Telegram-каналеТатмедиа
Нет комментариев