«Шәһри Казан» журналисты Фәрит Салихов журналистлар Сабан туеның абсолют батыры булды

Байлар Сабасында «Татмедиа»ның 15 яшьлегенә багышланган Сабантуйда көрәш буенча абсолют батыр булып, «Шәһри Казан» журналисты Фәрит Салихов калды.

Фәрит Салихов бу җиңүне бик озак көтүен әйтте. «Мин бу җиңүне бер ун ел көттем. Журналистлар арасында Сабантуй булсын дип көттем. Тормышка ашты, ләкин мин спорт формасын югалткач. Бер ун ел элек булса, җиңүе җиңелрәк тә булыр иде. Рәхәт миңа», – диде батыр.

Бу җиңү Фәрит Салиховның гомерендә беренче тапкыр абсолют батыр булып калуы да.

«Авыл Сабан туенда үз авырлыгымда беренче калганым булды. Абсолют батыр булып, беренче тапкыр калдым. Хәзер көрәштән китсәм дә була инде», – диде ул көлеп.

Абсолют батыр тәкәгә дә ия булды.

Фото: Энҗе Габдуллина

Чыганак: https://tatar-inform.tatar