Сергей Безруков янә әти булды!

Русиянең халык артисты, актер, 45 яшьлек Сергей Безруков һәм 35 яшьлек Анна Матисон гаиләсендә - сөенечле вакыйга. 24 ноябрьдә аларның уллары дөньяга килгән. Бу шатлыклы яңалык белән актер үзе инстаграмдагы дуслары белән бүлеште. Ул Бала тудыру йортыннан фото куйган һәм Аннага рәхмәт сүзләре язган.

Анна белән Сергейның 2 яшьлек кызлары Маша үсеп килә. Билгеле булуынча, Безруковның актриса Кристина Смирновадан Иван һәм Саша исемле балалары бар.