Саба районы мөхтәсибәте, Саба үзәк Җәмигъ мәчете имамлыгы районыбызның мәхәллә имамнарын, Ислам динен тотучы барлык райондашларны Корбан бәйрәме, изге Хаҗ көннәре белән ихлас күңелдән тәбрикли

Аллах Субханә вә Тәгалә чалган корбанлыкларыбызның әҗер савабын насыйп итеп, бәндәчелек белән кылган гөнаһ-хаталарыбызны кичерсә иде. Кыямәт көнендә үзенең рәхмәтләренә, пәйгамбәребез Мөхәммәд галәйһисәлам шәфагатенә дә ирешергә насыйп итсә иде. Мохтаҗларның күңелләрен күрерлек ярдәмнәребезне кызганмыйча, Аллаһы ризалыгына ирешергә насыйп булсын!

Иң изге теләкләр белән районыбыз имам мөхтәсибәте Айнур хәзрәт Әхмәтов, Саба үзәк Җәмигъ мәчете имам-хатыйблары Илдар хәзрәт Яхин, Алмаз хәзрәт Гаянов.