«Саба Арена» спорт мәктәбендә Әфганстан җирләреннән Совет гаскәрләренең чыгарылуына 35 ел тулу уңаеннан һәм Әфган сугышында һәлак булган якташларыбыз истәлегенә яшьүсмерләр арасында волейбол турниры үтә
Быел традицион ярышлар 32нче тапкыр үткәрелә. Районыбызның 21 яшькә кадәр булган егетләр командалары, барлыгы 12 команда, кубок өчен көч сынаша.
Турнирны ачу тантанасында Саба муниципаль районы башлыгы урынбасары Расих Закирҗанов, район яшьләр эшләре һәм спорт бүлеге җитәкчесе Ирек Гарипов, Әфганчылар берлегенең Саба районы буенча җитәкчесе Илшат Әхмэтшин, Саба районы волейбол Федерациясенең элеккеге рәисе Фәнис Вәлиев, әфганчы-ветераннар, "Сугышчан туганлык" Бөтенроссия ветераннар иҗтимагый оешмасы, Татарстан төбәк бүлекчәсенең Саба җирле бүлекчәсе рәисе Айдар Садыйков, махсус хәрби операциядән ялга кайткан Шәмәрдән егете Инсаф Сәгыйров катнашты.
Барысы да уенчыларга уңышлар теләде.
Следите за самым важным и интересным в Telegram-каналеТатмедиа
Нет комментариев