Россиядә иң кирәкле даруларның бәясе арзанайды
Россиядә 2017 ел нәтиҗәләре буенча иң кирәкле даруларның бәясе 1,8 процентка арзанайды. Бу хакта, РФ Сәламәтлек саклау министрлыгына сылтама ясап, «Известия» хәбәр итә.
Соңгы тапкыр әлеге категориягә кергән даруларның бәясе 2013 елда 0,6 процентка төшерелгән иде. Бу - әлеге категориягә кергән дару бәяләрен җайга салуда дәүләт сәясәте белән бәйле, дип искәрттеләр РФ Сәламәтлек саклау министрлыгында.
Күбесенчә бәясе 50 сумнан артмаган дарулар (2,1 процентка) арзанайды. 50 - 500 сум торган препаратларның бәясе - 2 процентка диярлек, 500 сумнан кыйммәтрәк даруларныкы 1 процентка төште. Экспертлар әйтүенчә, бәяләр алга таба да төшереләчәк.
Узган ел ахырында иң кирәкле дарулар исемлегенә тагын 68 препарат өстәлде.
"Татар-информ"
Следите за самым важным и интересным в Telegram-каналеТатмедиа
Нет комментариев