Ракның өч төп сәбәбе билгеләнгән

Болар — тәмәке тарту, алкоголь куллану һәм папиллома вирусы. Бу хакта Сәламәтлек саклау министрлыгының штаттан тыш Баш онкологы Андрей Каприн белдергән.

«Шуны аңларга кирәк: якынча 15 процент – ул безнең генотип, ә калганы — яшәү рәвеше. Бу Бөтендөнья сәламәтлек саклау оешмасы тарафыннан расланган. Яман шеш барлыкка китерүче төп факторлар — тәмәке тарту, алкогольне чамадан тыш куллану һәм папиллома вирусы», — дигән ул Көнчыгыш икътисади форумында чыгыш ясаганда.

Карпин сүзләренчә, онкология авырулары, шулай ук, химик матдәләр, мәсәлән, асбест яисә буягычлар тәэсирендә килеп чыгарга мөмкин. Кайбер очракларда, кызыл итне чамадан тыш куллану да яман шеш үсешенә китерә, дип өстәгән ул.

Фото: pixabay.com/ru