Район үзәгендә яңа эшли башлаган «Тынычлык» мәчетендә күркәм ифтар ашы үтте.

Аны Байлар Сабасыннан Шакиров Фәнзил Рәшит улы, Габдракипов Рамил Хәмит улы, Халиков Рамил Рафис улы гаиләләре оештырды. Урамда казан ягып пылау пешерделәр. Ирләр һәм хатын кызлар өчен аерым залларда табын корылды.

Мәҗлескә гаиләләре белән парлап, балаларын да алып килүчеләрнең күп булуы аеруча тәэсирле булды. Гаилә елында иман йортларының гаиләләр белән тулылануы бик күркәм гамәл. 

Изге нияттә башкарган эшләре кабуллардан булсын.