Путин әйтте: ил башлыгы бензин бәясе, пенсия яше, дару сыйфаты һ.б. турында

Кичә Владимир Путин пенсия яшен арттыру котылгысыз дип саный. Бу илдә эшли торган гражданнарның кимүе һәм пенсионерларның саны арту белән бәйле, - диде ул бүген матбугат очрашуында.

 

 

Путин 2000 еллар башында пенсия яшен арттыруга катгый каршы булуын искә төшерде. "Ул вакытта тормыш озынлыгы да, эшләүчеләр белән пенсионерларның чагыштырмасы да башкача иде, - дип искәртте ул. - Хәзер бар да төптән үзгәрде. Эш шунда ки: эшләүчеләр саны азайганнан азая бара. Әйе, биш-җиде ел без тыныч яшәячәкбез. Әмма ул биш-җиде ел узганнан соң илебез моны эшләргә мәҗбүр булачак. Тик бу очракта моны кискен, күчеш чорларыннан, ташламалардан тыш, шул исәптән, хатын-кызлар өчен дә, эшләргә туры килер иде", - диде Владимир Путин.

 

 

 

 

Президент пенсия яшен арттырганнан соң тәнкыйть булачагын аңлавын да әйтте. "Мондый әйберләр күңелгә ятмый, билгеле инде, беркайчан да яхшы тәэсир калдырмый. Әмма котылгысыз", - дип өстәде дәүләт башлыгы. 

Россия хөкүмәте киләсе елда нефть продуктларына бәянең кискен артуына юл куймаячак, дип белдерде Путин. 

 

"Россиядә бензинга бәя арту дөнья базарында нефть бәясе артуы белән бәйле. Хөкүмәт бәяләрне тотып тору чараларын күрде", - диде ил башлыгы.

 

Путин киләсе елда НДС арту сәбәпле бензинга бәя үзгәрергә мөмкин булуын кире какмады. 

 

Россия Президенты илдә газ запаслары җитәрлек һәм Россиядә бу чыганак бетмәячәк, диде. 

 

 

 

 Президент сүзләренчә, Ямал ярымутравында гына да 67 трлн куб.м газ запасы исәпләнә.

 

 

Дәүләт башлыгы "Владимир Владимирович, тиздән газ бетәчәк!" дип кычкырган журналистка шул рәвешле җавап кайтарды. 

 

 

Россиядә эшләнгән дарулар чит илнекеләрдән начаррак түгел, дип белдерде үзенең зур матбугат конференциясендә Россия Президенты Владимир Путин.

"Безгә төрле яклап тәртип урнаштыру кирәк. Шул исәптән сез формалаштырган гыйбарә, ягъни бездә җитештерелгән дарулар чит илнекеннән начаррак дигән сүз белән дә көрәшергә кирәк. Ул тезис өчен кем җавап бирә? Юк, алай түгел, алар начаррак түгел", - диде Путин.

"Димәк, без импортлы әйберләрдән тулысынча котылырга тиеш. Әгәр чыннан да импортлы дару кирәк икән, ул билгеләнергә тиеш", - диде ул.

Путин Россия даруларының экспортка чыгарыла башлавын әйтте, экспорт күләме якынча 700 млн сум тәшкил итә.

Ил башлыгы Россиядә тормыш өчен кирәкле 80% даруларның җитештерелүен әйтте, бу юнәлештә эш дәвам итәчәк дип белдерде.

 

Россиядә авыл хуҗалыгы тармагына дәүләт дәрәҗәсендә ярдәм итү дәвам итәчәк, дип белдерде Россия Президенты Путин.

"Авыл хуҗалыгы - инде күптән милли проект. Аңа ярдәм итүгә йөзләгән миллиард сум акча тотыла. Ярдәм итү - зур хуҗалыклар буенча булсынмы, фермерлар буенча булсынмы, авыл хуҗалыгының башка тармаклары буенча булсынмы - дәвам итәчәк", - диде ул.

Шул ук вакытта Путин авыл хуҗалыгында җитештерүнең берникадәр кимүенә борчылмавын белдерде.

Президент Россиядә сәнәгатьчелекне үстерүгә юнәлтелгән берничә дәүләт программасы барлыкка киләчәген дә әйтте.

"Быел 10 ай эчендә Россиядә азык-төлек җитештерү күләме 13% артты, бу саннар ризыкны куллану артуын да дәлилли. Кием-салым, аяк киеме җитештерү 9% артты", - диде ул. Путин бу күрсәткечләрнең яхшы булуын искәртте.

Россия Президенты илдә сәнәгатьчелек үсешенең ВВП үсешеннән югарырак икәнен әйтте.

Ил башлыгы фикеренчә, хәзерге вакытта сәнәгатьчелекне үстерү тиешле күләмдә башкарылмый. "Шуңа җиңел сәнәгать, авиация һәм башка тармакларны үстерүгә багышланган программалар булдырылачак", - диде ул.