Пүкәл авылында Ураза бәйрәмен бик күңелле каршы алдылар.

Анда күңелле уеннар, дини викторина, спорт ярышлары, аниматор Ләйсән апа белән ял оештырылды. Бәйрәм чәй табыны артында дәвам итте. Пылау пешерү һәм табын әзерләүдә мәчеткә йөрүче ир-егетләр ярдәм итте. Бу эшне башлап йөрүче Шәйхетдин хәзрәт Мансуров, Мөдәрис хәзрәт Гыймранов. Шулай ук бар халыкка бушка татлы мамык, попкорнны авылыбыз кияве Булат, Илназ өләштеләр. Балалар көн буе карусельдә, батут һәм биек тауда күңел ачтылар. Авыл халкы, кунаклар рәхәтләнеп ял итте бу көнне.
Киләчәктә ил-көннәр тыныч, имин булып, кабат бәйрәм итәргә язсын, дигән теләк белән таралды Пүкәл авылы халкы.