Пенсия яшен арттыру турындагы закон проектын Дәүләт Думасына кертәләр

(Казан, 13 июнь, “Татар-информ”). Россия хөкүмәте пәнҗешәмбе, 14 июнь көнне, пенсия яшен арттыру турындагы закон проектын Дәүләт Думасына кертәчәк. Бу хакта үз чыганагына сылтама белән, “Ведомости” яза.

Министрлар Кабинеты депутатларга иң кырыс вариантны тәкъдим итә: ир-атлар өчен 65 яшь һәм хатын-кызлар өчен 63 яшь, дип әйткән басманың чыганагы.

Россия Финанс министрлыгы сценарие буенча, Хөкүмәт пенсия яшен арттыруны киләсе елдан башлап, ел саен өстәп барырга тиеш. Россия Федераль Җыены түбән палатасында фикер алышу барышында ташламалар билгеләнәчәк, дип сөйләгән чыганак.
 

Фото: http://trktvs.info