Өч сеңлесен янгыннан коткарган Кукмара укучысын бүләкләргә җыеналар
«Ринатны батырлыгы өчен бүләкләү дә каралган, МЧС тарафыннан да, район тарафыннан да булырга тиеш», - диде авыл җирлеге башлыгы.
Әлфия Хәлимованың шәхси архивыннан
Кукмара районының Кенәбаш авылында 9 июль көнне янгын чыгып, дүрт балалы Хәлимовлар гаиләсе йорт-җирсез кала. Гаиләдә иң олы бала – 12 яшьлек Ринат Хәлимов өч сеңлесен янгыннан коткарган. Батыр үсмерне бүләкләү дә көтелә.
Бу хакта «Татар-информ» хәбәрчесенә Починок-Кучук авыл җирлеге башлыгы Риналь Гыйниятов сөйләде. «Ринатны батырлыгы өчен бүләкләү дә каралган, МЧС тарафыннан да, район тарафыннан да булырга тиеш», - диде авыл җирлеге башлыгы.
Шулай ук, Ринат укый торган мәктәптә дә аның гамәлен каһарманлык итеп күрсәтергә ниятлиләр.
Ринатның янгыннан саклап калуы турында тулысынча «Интертат» сайтында укырга мөмкин.
Следите за самым важным и интересным в Telegram-каналеТатмедиа
Нет комментариев