Мәктәпләрдә кесә телефоннарын тыярга уйлыйлар

(Казан, 4 июль, “Татар-информ”). Россия мәктәпләрендә кәрәзле телефоннарны куллануны чикләргә мөмкиннәр. Бу хакта РИА Новости хәбәр итә.

Кулланучылар хокукларын яклау һәм кеше иминлеге өлкәсендә күзәтчелек федераль хезмәте башлыгы Анна Попова әлеге тәкъдим эшләү стадиясендә, дип белдергән.

"Без мәсьәләне өйрәнәбез һәм бер ай дәвамында хәбәр итәргә тиеш булачакбыз", — диде ул Гаилә һәм балаларны яклау өлкәсендә дәүләт ярдәмен гамәлгә ашыру буенча Президент каршындагы совет утырышында.

Федерация Советы спикеры Валентина Матвиенко инициативаны хуплады һәм бу мәсьәләне уку елы башына хәл итүне сорады.

Аның фикеренчә, гомумән, "телефонны мәктәпкә китерүне тыярга кирәк, чөнки анда саклау өчен бүлмәләр юк, ә мәктәп директорлары мондый җаваплылык алырга теләмәячәкләр".

https://rvs.livejournal.com