Машиналарга бәя арткан

автор, 17 июль 2019 - 08:53

813

Россиядә ел башыннан автомобильләргә бәя 10 процентка арткан. Шул ук вакытта автомобиль җитештерү дә, сатып алучылар саны да кимегән. Бу хакта "Коммерсантъ" яза.

Бәя үсүнең төп сәбәбе - ел башында НДСның 20% артуы, инфляция һәм модельләрнең яңаруы. Мәсәлән, Volkswagen автомобильләренә бәя 2-3%, Volvo - 3%, Audi - 2,5% арткан.

Chevrolet Tahoe автомобиленә бәя 2,7 процентка, MINI машинасына 13 процентка, Mercedes-Benz 3-6 процентка арткан. Ә менә Lada уртача 3-3,6 процентка үскән.

Автомобильләргә бәяләр үссә дә, аларны сату 2,4% кимегән. Кайбер җитештерүчеләр Россиядә җитештерү планнарын киметү турында да уйлыйлар. Шул сәбәпле алар дефицит тудырмакчылар, бу автомобильләр белән кызыксынучылар санын үстерер дип көтелә.

Фото: pixabay.com