«Күп бала тапсагыз, гомерегез озын булыр», - ди Шәмәрдәндә яшәүче Тайфә әби Лотфуллина.

Шәмәрдәндә яшәүче Тайфә әби Лотфуллина 103 яшен тутырды.
Дөнья мәшәкатьләрен күреп, ачлыгын-ялангачлыгын  үз җилкәсе аша үткәреп, сугыш  афәтләрен кичереп,  парлы тормыш коргач 8 бала тәрбияләп үстергән Тайфә әбине тәбрикләргә Саба муниципаль районы башлыгы Рәис Нургали улы Миннеханов килде. Район башлыгы Тайфә әбигә сәламәтлек, бәхетле картлык теләде.

Алар үткәннәр турында озак сөйләшеп утырдылар. Тайфә әби Рәис Нургалиевичка хәл белешеп, аны тәбрикләргә килгәне өчен рәхмәтен  җиткерде.

8 бала тәрбияләп үстердек, оныкларым инде 50 яшьтән уздылар, 20 оныкчыгым бар, - дип сөйли Тайфә әби Лотфуллина.

Бүгенге рәхәт, тыныч, мул, бай тормышта яшәвенә сөенеп бетә алмый ул.