Коронавирус инфекциясен бетерә торган матдә табылган

(Казан, 5 гыйнвар, «Татар-информ»). Гиперхолестеринемияне дәвалаганда кулланыла торган флувастатиннар коронавируска җимергеч йогынты ясарга мөмкин. Бу хакта РИА Новости агентлыгы хәбәр итә.

MedRxiv порталында немец һәм швед галимнәренең шул хактагы тикшеренүләре дөнья күргән.

Белгечләр ачыклаганча, SARS-CoV-2 вирусының трансляциясен һәм репликациясен «томалап», флувастатин зарарланган күзәнәкләргә йогынты ясый.

Моннан тыш, статиннар ярдәмендә терапия алган ковид-пациентларда күпкә уңайрак клиник нәтиҗә теркәлгән.

Галимнәр билгеләп үткәнчә, тикшеренү нәтиҗәләре флувастатинның коронавирус йоктырган кешеләргә өстәмә куркыныч тудырмавы һәм авыруның узуына уңай йогынты ясый алуы турында сөйли. Подробнее: https://tatar-inform.tatar/news/health/05-01-2021/koronavirus-infektsiyasen-beter-torgan-matd-tabylgan-5797303