Коронавирус белән көрәшүче медикларга түләүләр сентябрь аена озайтылды

(Казан, 15 сентябрь, «Татар-информ»). Россия табибларына коронавирус инфекциясе таралуга каршы көрәш өчен түләүләрне сентябрь аена озайттылар. Россия Премьер-министры Михаил Мишустин тиешле карарны имзалады.

«Коронавирус белән авыручы медицина хезмәткәрләренә стимуллаштыручы түләүләр сентябрь аена озайтылды», — диелә карарда.

Карар РФ Министрлар Кабинеты каршындагы коронавирус инфекциясе таралуга каршы көрәш буенча Координацион Советның беренче көзге утырышында кабул ителде.

Моннан тыш, коронавирус инфекциясе белән зарарланган гражданнар һәм риск төркемендәге гражданнар белән алмаш режимда эшләүче социаль учреждениеләр хезмәткәрләренә дәүләт ярдәмен октябрь уртасына кадәр озайттылар.  Подробнее: https://tatar-inform.tatar/news/society/15-09-2020/koronavirus-bel-n-k-r-sh-che-mediklarga-t-l-l-r-sentyabr-aena-ozaytyldy-5771471