Кисәтү

Шушы уңайдан сезнең игътибарны тыю билгеләре куелган, тиешле таләпләргә туры китереп җиһазландырылмаган урыннарда су коену куркыныч булуына юнәлтәсебез килә. Саксызлык һәм куркынычсызлык кагыйдәләрен санга сукмау фаҗигале нәтиҗәләргә китерергә мөмкин.

Кичә, 9 июнь көнне, Байлар Сабасының "Лесная сказка" ял итү базасы биләмәсендә, Бөрә урманы янында, су коену тыелган урында бәхетсезлек очрагы теркәлгән — 15 яшьлек яшүсмер һәлак булган. Бу саклык чараларын үтәүнең мөһимлеген тагын бер кат ассызыклый.

Ата-аналардан һәм опекуннардан шуны истә тотуларын сорыйбыз:

-Балаларны беркайчан да сулыклар янында караусыз калдырмагыз.

-Балаларга бары тик куркынычсыз ял итү өчен билгеләнгән, махсус җиһазландырылган урыннарда гына су коенырга рөхсәт итегез.

-Янәшәдә ярдәм күрсәтергә сәләтле өлкәннәр булуына инаныгыз.

Истә тотыгыз, якыннарыгызның иминлеге сезнең игътибарлы булуыгызга һәм җаваплылыгыгызга бәйле!