Кичә Питрәч районында «Ел хатын-кызы. Ел ир-аты: Хатын-кыз карашы» республикакүләм конкурсының зона туры узды.

Кичә Питрәч районында "Ел хатын-кызы. Ел ир-аты: Хатын-кыз карашы" республикакүләм конкурсының зона туры узды. Анда райондашларыбыз да уңышлы чыгыш ясап, һәркайсы үз номинациясендә җиңүгә ирештеләр. Районыбыз данын "Ел үрнәге" номинациясендә Эльмира Касыймова, "Минем язмышым - минем һөнәрем" номинациясендә "Игенче" җәмгыяте сыер савучысы Рушания Сабирҗанова, "Мәдәният һәм рухият" номинациясендә Шәмәрдән мәдәният йорты директоры Гөлназ Әхмәтшина, "Өченче буын героинясы" номинациясендә Шәмәрдән авылында гомер итүче 101 яшьлек Нурия апа Шәйдуллина яклады. Чын күңелдән барысын да котлыйбыз, алга таба да эшләрендә һәм тормышларында зурдан зур уңышлар телибез.