Хәйруллин "Пусть говорят"та ниләр сөйләгән?

автор, 12 июль 2019 - 08:29

1151

Луиза Хәйруллинаның ире Марат «Пусть говорят» тапшыруында булган. Анда ул банктан акча урлануы турында җентекләп сөйләп биргән. Бу хакта «Реальное время» мәгълүмат чыганагы хәбәр итә.

Ир гаиләне акыл җитмәслек бурычка батыруының төп сәбәбе - азартлы уеннар икәнен әйткән. Марат сөйләвенчә, бурычларны каплау өчен банк сейфыннан акча урлау моннан ике ел элек башланган.

Беренче тапкыр Луиза 50 мең сум урлап алып чыккан. Шулай итеп, бу сумма 25 миллионга кадәр барып җиткән. Ир, моны букмекер компанияләреннән документлар белән раслый алам, дигән.

Ул, шулай ук, Казанда 5 фатирга күчеп йөрүләрен һәм хокук сакчыларының аларны тота алмавына аптыравын белдергән. Марат Русия халкыннан ярдәм сораган һәм акча җыю турында игълан иткән.

Мәскәүдән ток-шоудан кайтып килгәндә аны аэропортта ук кулга алдылар.