Саба ТВ

Саба районы

16+
Радио һәм телевидение яңалыклары

КФУ метеорологы: Ике көн эчендә Казанда айлык нормага якын күләмдә кар явачак

Алдагы ялларда Татарстанга аномаль җылылык һәм явым-төшемнәр килә. Әгәр Россия Гидрометеоүзәгенең фаразы чынга ашса, ике тәүлек эчендә Казанда айлык нормага якын кар явачак. Бүген КФУ профессоры Юрий Переведенцев «Татар-информ» агентлыгына шулай дип белдерде.

«Безгә Төньяк Атлантикадан чираттагы циклон килә, нәтиҗәдә һава температурасы сизелерлек күтәреләчәк. Алдагы көннәрдә Россиянең Европа территориясендә, шул исәптән безнең төбәктә дә зур күләмдә явым-төшем көтелә. Әгәр фаразлар чынга ашса, ике тәүлек эчендә Казанда айлык нормага якын кар явачак», - диде ул.

Спикер билгеләп үткәнчә, «Казань-Опорная» метеостанциясе мәгълүматлары буенча Казанда айлык явым-төшем нормасы 41 миллиметр тәшкил итә. Шул ук вакытта, узган ике көндә генә дә шәһәрдә 14 миллиметр, яки айлык норманың өчтән бере күләмендә явым-төшем күзәтелгән. Хәзерге вакытта Татарстан башкаласында кар катламының биеклеге 50 сантиметр тирәсе тәшкил итә, бу февраль нормасына туры килә.

Реклама

КФУ спикеры сүзенең ахырында хәбәр иткәнчә, соңгы елларда безнең төбәктә җәйге чорда корылык күзәтелә, явым-төшем нормасы үтәлми. Шуңа күрә карның күп явуы – тулаем алганда экология һәм авыл хуҗалыгы өчен бик яхшы.

Чыганак: https://tatar-inform.tatar/news/kfu-meteorology-ike-kon-ecenda-kazanda-ailyk-normaga-yakyn-kulamda-kar-yavacak-5881943

Следите за самым важным и интересным в Telegram-каналеТатмедиа

 

 

Безнең Вконтаке челтәренә языл! 

Кызыклы яңалыкларны күзәтеп бару өчен Телеграм каналга язылыгыз

 

 

 

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев