Кече Шыңар мәдәният йорты һәм китапханә хезмәткәрләре Мишә елгасы буенда балалар белән балык тоту ярышы оештырдылар.

Һәрберсе балык тотуда үз осталыкларын сынап карадылар. Балык тоту уңышлы үтте! Балалар табигатьнең матур күренешләренә сокланып, балык эләккән саен шатланып, бер-берсе белән ярышып вакыт үткәнен сизми дә калдылар. Ярышта 1 урынны Минһаҗев Бәхтияр алды, 2 урын - Зиннәтов Эльмирга, 3 урын Гыйльметдинов Аязга булды.

Иң зур балык Вафин Камилгә эләкте. Бу балалар өчен истә калырлык сәяхәт булды.

Саба районы рәсми сайтыннан.